సుజన సృజన

సుజన సృజన
ఓం నమో సాయి నాధాయ

31, మార్చి 2015, మంగళవారం

ఈ జాతరలకు తెర పడేదెన్నడు ?

సీను : ssc ఎగ్జామ్ సెంటర్ .....
                         చీఫ్ సూపరింటెండెంట్ ఇన్విజిలేటర్లకు రూమ్ ఎలాట్ మెంట్ చేస్తున్నాడు .
రూమ్ నంబర్లు రాసిన చిట్లు రోల్ చేసి ఒక డబ్బాలో వేశాడు . ఒక్కో ఇన్విజిలేటర్ ఒక్కో చిట్టీ
తీస్తున్నారు . చిట్టీ ఓపెన్ చేసి  అలాట్ మెంట్ రిజిస్టర్లో ఇన్విజిలేటర్ నేమ్ ప్రక్కన రూమ్ నంబర్ వేసి
సంతకం తీసుకున్నాడు . ఎగ్జామ్ ఫైల్స్ తీసేసుకుని ఇన్విజిలేటర్లు రూములకు వెళ్ళిపోయారు .
                           హాల్ టికెట్ వెరిఫికేషన్లూ , అట్టెండెన్స్ షీట్లలో సంతకాలు తీసుకోవడాలూ ,
ఆన్సర్ షీట్ల పంపకాలూ పూర్తయినట్లుంది . సెకండ్ బెల్ కొట్టీ కొట్టంగనే డిపార్ట్ మెంటల్ ఆఫీసర్
రూముల్లో క్వశ్చన్ పేపర్లు పంపిణీ చేశాడు . థర్డు బెల్ తో పిల్లల చేతుల్లోకి చేరాయి . పిల్లలంతా
క్వశ్చన్ రీడింగ్ లో బిజీగాఉన్నారు .
                          చీఫ్ కు ఒక విషయం అర్థంకావడంలేదు . రూం నంబర్ టూ కు మొన్నా ,
నిన్నా , నేడూ వరుసగా ఒకే ఇన్పిజిలేటర్ ఎలాట్ కావడం ఎలా సాధ్యం ? ఇందులో ఏదో మతలబుంది .
అది అర్థంకావడానికి ఎంతో సేపు పట్టలేదు . రూం నంబర్ టూ మీద నిఘా ఉంచాడు .
                           అది మండల కేంద్రం . ఆ సెంటర్లో రెండు మూడు ప్రైవేటు స్కూల్ల పిల్లలు రాస్తున్నారు .
ఆయా స్కూళ్ళు మండల్ ఫస్ట్ కోసం పోటీ పడుతున్నవి .  అందులో భాగంగా అనేక మాల్ ప్రాక్టీసెస్
ప్లాన్ చేస్తున్నట్టున్నారు . రూం నంబర్ టూలో ఒక పిల్లాడు ఈపోటీలో ఉన్నాడు .వాడిని మండల్ ఫస్ట్
తీసుక రావడానికి ఈ మాల్ ప్రాక్టీసంతా . ఆ ఇన్విజిలేటర్ ప్రతి రోజూ రూం నంబర్ టూ స్లిప్ సేకరిస్తున్నాడు
లాటరీలో పచ్చిన వాళ్ళ నుండి . కొందరితో అతడు కుమ్మక్కయ్యాడు . రెండు రోజులీ తంతు జరిగింది .
మూడో రోజు దొరికి పొయ్యాడు . అతన్ని చీఫ్ రిలీవ్ చేసేశాడు . ఇలాంటి సిత్రాలెన్నో , ఎన్నెన్నో ఈ ఎగ్జామ్స్ లో .
                                        *****
సర్ ,
అడిషనల్  ?
నో సర్ , చిన్న డౌటుంది _ రూంకెల్లి వెరిఫై చేసుకొస్తాను .
ఏవిటీ ! అలా కూడా రాస్తారా , ఎగ్జామ్సు ? నో నో.......
                *****
అదో కార్పొరేట్ హైస్కూల్ క్యాంపస్ . ssc సెల్ఫ్ సెంటర్ .
అంటే ఇక్కడ జంబ్లింగ్ లుండవు . కేవలం సదరు హైస్కూల్ పిల్లలే పరిక్ష రాస్తారు .
చీఫ్ సూపరింటెండెంట్ , డిపార్ట్ మెంటల్ ఆఫీసర్ , ఇన్విజిలేటర్లు వగైరా సిబ్బంది
మొత్తం ఆ హైస్కూలు యాజమాన్యం పంపిన లిస్టు ప్రకారమే ఎప్పాయింట్
అవుతారనేది బహిరంగ రహస్యం . సదరు సిబ్బంది భారీగా నజరానాలు పుచ్చుకుని
సదరు యాజమాన్యం సేవాభాగ్యంలో తరిస్తారనేది వేరేగా ఉట్టంకించ పనిలేదు .
ఎగ్జామ్ హాల్లో పిల్లాడి కేదయినా డౌటొస్తే పక్కనే హాష్టల్ రూములో కెల్లి క్లియర్ చేసుకుని
వచ్చి మరీ రాయొచ్చన్నమాట . ఇదీ  కొన్నిచోట్ల  సెల్ఫ్ సెంటర్ల తంతు .
        పాపం , మన ఇన్విజిలేటరు కీ అనుభవం కొత్త . తప్పు చేయడానికి మనసొప్ప లేదు .
దరిమిలా , పనికిరాడని రిలీవ్ చేసేశారు .
                             *****
             ఇంకా అనేక చిత్ర విచిత్రాలుగా వింతలూ , విశేషాలతో విరాజిల్లుతున్న
ఈ ఎగ్జామ్స్ ప్రహసనం అవసరమా ?
పరీక్షల లక్ష్యం _ విద్యార్థి ఏడాది పొడవునా ఆర్జించిన విఙ్ఞానాన్ని మదింపు వేయడం .
కానీ , ఈ లక్ష్యం పెడ త్రోవలు పట్టింది . దీనికందరూ బాధ్యులే .
             ఇలాచేస్తే బాగుణ్ణు ! ? .  ssc లెవల్ వరకూ ఇంటర్నల్ అసెస్ మెంట్ చాలు .
ఇంటర్ తదుపరి ప్రతి అడ్మిషనుకూ ఎమ్ సెట్ మోడల్  లో టెస్ట్ నిర్వహించి , డిగ్రీలో - ( అది సాధారణ డిగ్రీ
కానీ , ఇంజనీరింగ్ , మెడికల్ కానీ , మరేదైనా కానీ ) _ అడ్మిషనిస్తే సరిపోతుంది .
ఈ చిత్ర విచిత్ర పరీక్షల జాతరలకు తెర పడుతుంది .

2 కామెంట్‌లు:

  1. అసలు EMSAT అవసరమా? వ్యక్తులలో సంస్థలలో నిజాయితీ చచ్చిపోతే ఇలాగే ఉంటుంది, ఇంకా ముందు మరేం చూడాలో

    రిప్లయితొలగించండి
  2. ఎమ్ సెట్ విధానంలో ఆబ్జెక్టివ్ టైప్ క్వశ్చనింగుంటుంది , టెస్ట్ నిర్వహణలో గానీ , ఇవాల్యుయేషన్లో గానీ అంతగా మాల్ ప్రాక్టీస్ కు అవకాశం తక్కువ . అలాగే , స్పీడ్ అండ్ యాక్యురసీ ని కూడా ఆసించ వచ్చు .
    శర్మగారూ ,
    మీ స్పందనకు ధన్యవాదములు .

    రిప్లయితొలగించండి