సుజన సృజన

సుజన సృజన
ఓం నమో సాయి నాధాయ

21, మార్చి 2015, శనివారం

ఉగాది పంచాంగం

ఉగాది పర్వదినం నేడు . అందరికీ శుభాకాంక్షలు .
ఔత్తరాహికులకు ఫాల్గుణ బహుళ పాడ్యమి సంవత్సరాది .
హోలీ తర్వాతి రోజు .
దాక్షిణాత్యులకు చైత్ర శుధ్ధ పాడ్యమి సంవత్సరాది .
పదిహేను రోజులు తేడా .
ఆరోజు వాళ్ళు మామిడి పూత తింటారు .
ఈరోజు మనం వేప పూత తింటాం .
          *****
భారతీయులకు సంవత్సరాది అంటే ఋతు ప్రారంభం .
ఋతువులు వసంతంతో మొదులవుతాయి .
ఒక సంవత్సర కాలానికి
కాలానుగుణ మార్పులు మొదలయ్యే
మొదటి రోజు ఇది .
ఆహ్లాదం , ఎండలు , వానలు , మంచు , చలి , ఆకు రాలడం _
ప్రతి రెణ్ణెళ్ళకూ ఒక మార్పు
కథ మళ్ళీ మొదటికి .
              *****
వసంతం వచ్చేసిందనీ
ప్రకృతి పరువాలు పరుచుకుని
పుడమి అందాల హరివిల్లయ్యిందనీ
కవి కోకిలలు కావ్యగానం చేస్తున్నారు .
              *****
రాజ్యాధిపతి శని యనీ
మంత్రీ _ సేనాపతీ రెండు పోష్టులూ కుజుడు తీసేసుకున్నాడనీ
ఫలితం ఆందోళనకరమనీ
వర్షాలు పడవనీ
పంటలు పండవనీ
రోగాలు విజృంభిస్తాయనీ
ప్రజలు నానా యాతనలు పడతారనీ
రాజ్యాధిపతులు యుధ్ధాలలో మునిగితేలుతారనీ
కార్తాంతికులు పంచాంగ శ్రవణాలు పెట్టి మరీ
వాయించేస్తున్నారు .
            *****
భారతీయ సమాజంలో ఈప్రిడిక్షన్స్ ని
ముందస్తు హెచ్చరికలుగా భావించడం
సంప్రదాయంగా వస్తూవుంది .
అనంత విశ్వంలో మన సూర్య కుటుంబం లాంటి వ్యవస్తలు
కోటానుకోట్లు .
సూర్య కేంద్రకంగా వేర్వేరు కక్ష్యలలో
సూర్యాకర్షక ప్రభావానికి లోనై గ్రహాలూ, ఉపగ్రహాలూ
సూర్యుడి చుట్టూ పరిభ్రమిస్తున్నాయి .
వాటి కక్ష్యలలో గానీ , గతులలో గానీ మార్పుండదు .
             *****
భూమి మీది వాతావరణ మార్పులకు
భూమి చుట్టూ వేలాది మైళ్ళ పర్యంతం
వ్యాపించి ఉన్న వాతావరణమే కారణం .
కాలానుగుణ మార్పులను ప్రసాదిస్తూ
భూమి మీద ప్రాణికోటి జీవనయానానికి
దోహదం చేస్తూ ఉందీ వాతావరణ ఫలకం .
ఇది సహజం .
కానీ ,
మానవుని దురాశ ప్రకృతిని పాడు చేసి రక్షణ కవచాన్ని
నిర్వీర్యం చేస్తున్నది . అందువల్ల వాతావరణంలో
అసహజ పరిస్తితులు లెత్తుతున్నాయని సైంటిస్టులు
హెచ్చరిస్తున్నారు .
              *****
సరే ,
కాసేపు సిధ్ధాంతులు చెప్పేదే నిజమనుకుందాం .
మరి , ఆ విపరీత పరిణామాలు ఎదుర్కోవడానికి
ప్రభుత్వాలూ , ప్రజలూ సన్నధ్ధమౌతారా ?
ప్రభుత్వాధినేతలకు ప్రజాసేవ చేసే తీరుబాటెక్కడుంది ? 

2 కామెంట్‌లు:

  1. కాసేపు సిధ్ధాంతులు చెప్పేదే నిజమనుకుందాం .
    మరి , ఆ విపరీత పరిణామాలు ఎదుర్కోవడానికి
    ప్రభుత్వాలూ , ప్రజలూ సన్నధ్ధమౌతారా ?
    ప్రభుత్వాధినేతలకు ప్రజాసేవ చేసే తీరుబాటెక్కడుంది ?

    మనది అరణ్య రోదనం, వినే ఓపిక తీరిక ఎవరికి లేదు..అందరూ వేటలో ఉన్నారు..

    రిప్లయితొలగించండి