ఓరిమి లేదు కాస్తయిన .....

ఓరిమి లేదు కాస్తయిన  ,  ఒఠ్ఠి యహంకృత వాక్స్రవంతిలో

తీరిక లేదు వేరొకరు తెల్పిన దేమొ వినంగ  ,  విన్ననూ

వారిది యెంతమాత్రమును వాదన కెక్కదు ,  తామె యింతకున్

నేరిచినట్టి వారమను నిక్కు _ కనంగ వివేకులందరున్ .

బుధ్ధిమయ సాహితీ లోక మిద్ది , కాని

వెకిలి బుధ్ధుల వికృత వివేకములకు

బుధ్ధి మాలినదయపోయె ,  యొద్దిక కొర

వడిన దీతెల్గు బ్లాగు ప్రపంచమిపుడు .

చిన్న ' అప్రిషియేషను ' చేర్చి , తగిన

వ్యాఖ్య రాయుట మంచిదా ? పాండితీ ప్ర

కర్ష చూపించు నట్లు వ్యాఖ్యలను పెట్టి

పరిహసించుట మంచిదా పండితులకు ?

ప్రాత  _ లో  దురాచారాల బాట వదిలి

క్రొత్త విజ్ఞాన రోచిస్సు కూర్చి పేర్చి

మానవత్వ  విలువలే ప్రమాణములుగ

వైరములు వీడి  రచనలు వరలు గాత !