శ్రీ గొలగమూడి వెంకయ్య స్వామి
ఆరాధన రూప పద్య శతకం
( పరిచయము -- 1)
----------------
నేటి కాలంలో ఏ మలినమూ అంటని
మహాను భావులరుదు .అలాంటిమహనీయులలో
భగవాన్ శ్రీ వెంకయ్య స్వామి ఒకరు .
శ్రీ స్వామి నెల్లూరు జిల్లా , నాగులేటూరు గ్రామంలోవ్యవసాయకుటుంబంలోజన్మించినాడు .
బాల్యంలో వ్యవసాయం పనులు చేసే వాడు .
ఇరవై యేళ్ళ వయసులో ఊరొదిలి పెన్నానది లో
నూ , పెన్నకిరువైపుల గ్రామాలలోనూ తిరుగుచుం
డేవాడు .
తనలోకంలో తానుండేవాడు . తదనంతర
కాలంలో తదేక ధ్యానంలో తంబూర మీటుతూ
తన కనువైన స్థలంలో గడిపే వాడు . క్రమంగా
ఆప్రాంత ప్రజలు వెంకయ్య స్వామిగా గుర్తించి
గౌరవించడం ప్రారంభ మయ్యింది .
ఆయన ఏది చెబితే అది జరిగేది . రోగగ్ర
స్తులకు మంత్రించి నయం చేసేవాడు . ఎవ్వరినీ
ఏదీ అడిగేవాడు కాదు . పిలిచి అన్నం పెట్టేవారు .
స్వామిని బాల్యమాది నేనెరుగుదును . మా గ్రా
మం కుల్లూరికి ప్రక్కన రాజుపాళెంలోనూ , కాస్త
దూరంలోని పెన్నబద్వేలు లోనూ ఎక్కువ గడిపే
వాడు . చాల నిరాడంబర జీవితం గడిపి నాడు .
అర్థ ముతక చొక్కా ముతక పంచ ఆయన ఆస్తి . పైపంచ చుట్ట చుట్టి ప్రక్కన పెట్టు
కుని దానితో విసిరి మంత్రించి జబ్బులు నయం
చేసేవాడు . తినడం భిక్షాన్నమే . కార్యార్థమై వచ్చి అడిగిన వాళ్ళకు చీటీ వ్రాయించి వ్రేలిముద్రలేసిఇచ్చేవాడు .ఆయనమాట విన్న
వాళ్ళంతాబాగుపడ్డారు .వినకచెడినవాళ్ళూఉన్నా రు .
దాదాపు ఎనభై యేళ్ళదాకా బ్రతికి జ
నుల చేత భగవానుడిగా పూజింపబడి , చివరి
దశలో గొలగమూడి గ్రామంలో సమాధియైనాడు .
ఆ సమాథియే శ్రీస్వామి దేవాలయంగా , గొలగ
మూడి దివ్యక్షేత్రంగా విరాజిల్లుతూ ఉన్నవి .
ఈక్షేత్రం కొలిచిన వారికి కొంగు బంగార
మై వారి కోరికలు తీరుతూ భక్తజన సందోహంగా
మారింది . నేనెరిగిన వెంకయ్య స్వామి జీవిత
చరిత్రను ఉన్నదున్నట్లుగా పూర్వం ' భగవాన్ శ్రీ
శ్రీశ్రీ వెంకయ్యస్వామి వారి సత్య ప్రమాణ దివ్య చరితము ' గా వ్రాయడం జరిగింది .
స్వచ్చమైన జీవితం గడిపి జనులతో
మమేకమై ఆత్మశక్తితో జనుల బాధలను తొలగిం
చిన ఆ నిరాడంబరుడు నా కారాథ్యుడు .
చిన్న చిన్న ఆటవెలది పద్యాలతో ఆ స్వా
మి మహనీయ తత్త్వాన్ని ఆరాధిస్తూ శతకం వ్రా
యడం జరిగింది .
----- వెంకట రాజారావు . లక్కాకుల
రాజారావు గారూ,
రిప్లయితొలగించండిచాలా సంతోషం. మీ శతకం పద్యాలకోసం ఎదురు చూస్తాము.
ధన్యవాదాలండీ , శ్యామలరావు గారూ !
తొలగించండిగురువు గారు,
రిప్లయితొలగించండిమహనీయుల జీవితాలు, బోధనలూ,
పరిచయ రచనలూ ఎల్లప్పుడూ
ఆహ్వానింప దగినవీ, తెలుసుకో
దగినవీను. awaiting sir ...
మీకు మీ కుటుంబానికి తెలుగు
నూతన సంవత్సర శుభాకాంక్షలు ...
నాగమల్లీశ్వర రావు గారూ !
తొలగించండిఅతి నిరాడంబరమైన , స్వచ్చాతి స్వచ్చమైన ,
అత్యంత మహనీయమైన ఇలాంటి మహానుభావు
లంటే నాకిష్టం . వీరిని స్వయంగా నేనెరుగుదును .
నా శక్తి మేరకు , వారి జీవితంలోని సంఘటనలా
ధారంగా ఆరాధనా రూపంగా గతవారం రోజులుగా
వ్రాసి పెట్టుకున్న పద్యాలను పుస్తక రూపంగా ఆనం
దంగా ప్రకటిస్తున్నాను .
---- మీకూ , మీకుటుంబానికీ ఉగాది
శుభాకాంక్షలు .
రిప్లయితొలగించండితేట గీతి యాటవెలది తీరు గాన
మంచి మాటల వెంకయ్య మదిని తెలుపు
పద్య శతకము రీతిని పరము దెలుపు
గురువుల కథల వినవమ్మ గుణికి తెలియ !
జిలేబి
పాడి గెల్చు ' గీతి ' , ఆడి గెల్చు ' వెలది '
తొలగించండితెలుగు గెల్చు ' గీతి - వెలది ' కూడి
' వెలది - గీతి ' రీతి తెలిసిన కవివరుల్
' తెలుగు పద్య ' మందు గెలువ గలరు .
తొలగించండిఅద్భుతః
జిలేబి
వెంకయ్య స్వామి గురించి గురు చరిత్రలో చదివాను.వారిని తెలియడంతో మీరు ధన్యులు. స్వామి చరిత్ర పద్యరూపంలో ఎదురు చూస్తున్నా
రిప్లయితొలగించండిభాస్కర శర్మ గారికి ధన్యవాదములు .
రిప్లయితొలగించండి