ఆడేవు దొంగాట ఆయశోదా దేవి
కొంగు మాటున జేరి రంగు మార్చి
కూడేవు సయ్యాట కోరిన రాధతో
పయ్యెద కొంగు నింపార విడక
పాడేవు మురళి రూపానల జ్వాల ర
గిల్చి జగముల నూగించి బ్రమల
మాడేవు గో గోప చూడా మణులతోడ
మామూలు బాలుడై మసలు కొనుచు
బుధ్ధి మంతుని పగిది రూపున యదేమి
యల్లరిర ? యయ్యొ ! గోపికల్ తల్లడిలిరి ,
జగతి నంతను మోహ విచలిత జేసి
మాయ జేయుదు వేమిరా ! మమ్ము కృష్ణ !
"పాడేవు మురళి రూపానల జ్వాల రగిల్చి"
రిప్లయితొలగించండిఅది హాయి గొలిపే బాధ కలిగించే గానానలజ్వాల :)
మంచి సూచన .
రిప్లయితొలగించండిగానానలజ్వాలగా మార్చేద్దాం .
లలిత గారూ ,
ధన్వాదములు .