ఎవ్వార లీవిశ్వ మెంతేని నేర్పుతో
కడు మనోఙ్ఞముగ నేర్పడగ జేసె
ఎవ్వార లీసృష్టి కేడు గడయై నిల్చి
కాచి రక్షించునో కనుల నిండ
ఎవ్వార లీప్రాణు లే సంకటము లేక
చరియించ పాప సంహరణ చేయు
ఎవ్వార లీ ప్రజ కెంతేని విఙ్ఞాన
జ్యోతుల నందించి యునికి నేర్పు
ఆమె లలితా పరంజ్యోతి ఆమె దుర్గ
ఆమె శారద ఆమెయే ఆదిలక్ష్మి
అంతటను నిండి తనయందె అంత నిండి
వెలుగు మూలపు టమ్మకు వేల నతులు .
అమ్మవారి స్తుతి బావుందండి.
రిప్లయితొలగించండిఅమ్మవారు మనల కాపాడు గాత !
తొలగించండిధన్యవాదములండీ ,
రిప్లయితొలగించండిశ్రీపరమేశ్వరి, శారద
మా పెద్దమ్మ లలితమ్మ మనలెల్లనిటన్,
కాపాడుత గాక జనుల
నౌ పర దేవత శుభాంగి నవదుర్గగనౌ!
ముగ్గురమ్మల మూలపుటమ్మ _/\_
రిప్లయితొలగించండిముగురమ్మల మూలపుటమ్మకు వందనం .
తొలగించండిధన్యవాదములు .