సుజన సృజన

సుజన సృజన
ఓం నమో సాయి నాధాయ

12, నవంబర్ 2017, ఆదివారం

పద్యం - పరమార్థం

పద్యం - పరమార్థం
                     *****************
వచనం గుర్తుంచుకోవడానికి వీలవదు . మనస్సు
నాకట్టు కుంటే పద్యం హత్తుకు పోతుంది .పలు
సందర్భాలలో ఉదహరించ బడుతుంది .
వచనంలో లేని ' నడక - లయ ' పద్యాన్ని గుర్తుం
డేలా చేస్తుంది . వచనంలో లేని ' స్వారస్యం ' పద్యంలో చూపించ వచ్చు . శబ్ద అనువృత్తులు
శోభను కూర్చి పద్యాన్ని మనోఙ్ఞం చేస్తాయి .
తెలుగు వాళ్ళు ఇప్పటికీ సుమతి , వేమన శతకాలనూ , భాగవత పద్యాలనూ నెమరు వేసుకుంటుంటారంటే పద్యం సరళంగానూ ,
చదువగానే అర్థమయ్యేలా ఉండబట్టే జనం
లోకి అమితంగా చొచ్చుకు పోయినవి .
' మేం పండితులం , మామూలు జనం కంటే
మాకు రెండేసి తలలున్నాయి ' అనుకోబట్టే
పద్యానికి జనం దూరమయ్యారు .
పద్యాన్ని సరళం చేసి , చదవంగానే అర్థమయ్యే
భాషలో రాస్తే , జనానికి చేరువౌతుంది . ఔత్సాహి
కులు రాయడానికి కూడా ముందుకు వస్తారు .
తెలుగు పద్యం కలకాలం వర్థిల్లుతుంది .
పద్యం రాయడానికి ఎవడైనా ముందుకొస్తే
ఈపదం గ్రామ్యం , ఈపదం వ్యాకరణ విరుధ్ధం ,
అని బెదరగొట్టేస్తున్నారు . అమ్మో , ఇది మనకు అచ్చుబాటయ్యే విషయం కాదు ,ఇదిపండితులకు
సంబంధించింది . - అని ఔత్సాహికులు మథ్యలోనే వదిలేస్తున్నారు .
సోషల్ మీడియా వల్ల జనంలో చాలమంది రచనల పట్ల , ముఖ్యంగా పద్యం పట్ల ఆకర్షితులౌతున్నారు . వారికి సహకరించాలి గాని , తమ శషభిషలతో అవమాన పరచడం పండితులకు భావ్యం కాదు .
వాడుకభాష పారుటేరు . మార్పు జీవద్భాషకు సహజం . మారిన మార్పును నమోదు చేసేందుకే వ్యాకరణం . పిడికెడు మంది పండితులు తలలూచడమే భాషకు ప్రయోజనం కారాదు . జన బాహుళ్యం లోకి చొచ్చుకు పోతేనే ఏదైనా బ్రతికుండేది .
పూర్వకవుల వాడుక భాష కూడా గ్రాంథికమే . మనం గ్రాంధికం మాట్లాడడం లేదే .
శిష్ట వ్యావహారికం కూడా పద్యంలో పనికి రాదా ?
అసలు తమరు రాసే పద్యాలు చదువరులకు
అర్థం కాక పోతే రాసేదెందుకు . మరీ విచిత్రంగా
కొందరు తాము రాసిన పద్యంలోని పదాలకు టీకా , టిప్పణి రాసుకుంటున్నారు .
చేయుచూ , చేస్తూ అని రాయకూడదట . అది వ్యావహారికం , చేయుచున్ అని గ్రాంధికం రాయండని ఆదేశిస్తున్నారు .
కాస్తయినా అనకూడదట , కొంతయినా అనాలట .
వల్ల అనకూడదు వలన అనాలి . ఇలా శిష్ట వ్యవహారాలుకూడా
పద్యంలో కూడదట . అడిగితే , మావి
సాంప్రదాయిక తులసివనాలంటారు .
నా భాదల్లా, సోషల్ మీడియాల పుణ్యం
వల్ల పద్యం రాయడం నేర్చుకోవడానికి చాలమంది ఔత్సాహికులు ముందుకు వస్తున్నారు . వారికి
సహకరించండి . పద్యాన్ని కనీసం కొన్ని తరాల
వరకైనా మననీయండి .
ఇక , నావిషయం -
తమరనుకుంటూండవచ్చు . ' వీడికేం తెలుసు ఛందస్సు , వ్యాకరణం - వాటి గొప్పతనం , వీడు
కూడా భాషను గూర్చి మాటాడే వాడా ' - అని .
నేను విద్వాన్ , పండిత శిక్షణ , MA , B ed , ఇంకా
అనేకం చదువుకున్న వాణ్ణి . ఛందో వ్యాకరణ భాషాశాస్త్రాలు పఠించిన భాషా , సారస్వతాభి
మానిని . 38 దేండ్లు ఉపాధ్యాయ వృత్తి నెరపిన
వాణ్ణి . కానీ , పండితాహంకారం కానీ భేషజం కానీ
దరిజేరనీయను . వినయం అలంకారం గా బ్రతికిన
వాణ్ణి .
భాష పుట్టింది జనబాహుళ్యం నాలుకల మీద .
పండితుల మెదళ్ళ నుండి కాదు .
పద్యాన్ని పలువురు చదివేలా , రాయడం నేర్చు
కునేలా ప్రయత్నిద్దాం .

19 కామెంట్‌లు:

  1. నేనేం చదువుకోలేదండీ!
    తెనుగు భాష మీద మక్కువ ఎక్కువ.
    ఇటుకల కట్టుబడంటే భయం.
    జీవ భాష సాగే ప్రవాహం

    రిప్లయితొలగించండి
    రిప్లయిలు


    1. నేనేమీ చదువువు కొన
      లే! నాకింపైన భాష లెస్సగ తెలుగే !
      చానా భయకృత్తు గద
      బ్బా నాకు యిటుకల కట్టుబడి కవివర్యా !

      తొలగించండి
    2. మా చదువులు వృత్తి వరకె ,
      మీ చదువులు వృత్తి దాటి మిన్నులు బట్టెన్ ,
      సూచనకును మేము తగము
      మాచన భాస్కరుల సాటి , మాతర మగునా ?

      తొలగించండి
    3. ఈ కామెంట్‌ను రచయిత తీసివేశారు.

      తొలగించండి
    4. మాన్యుణ్ణి చేస్తిరే సామాన్యుణ్ణి
      నమోవాకము గురువరా! __/\__

      తొలగించండి
    5. గురువని సంబోధించుట
      గురువరులకు పాడి గాదు , కోవిదులగు మీ
      చరణ రజమునకు గూడా
      సరిబోలను నేను , తమరు ఙ్ఞానాంభసులే !

      తొలగించండి


    6. మాన్యుణ్ణి చేస్తి రే సా
      మాన్యుణ్ణి నమో నమో ! సుమధుర కవీశా,
      అన్యతరము మాత్రమ్మే
      విన్యాసముల విదురుండ విరివి టపాలన్ :)

      జిలేబి

      తొలగించండి
    7. మాటే! మాటాడేదే లేదే!
      ఏమని చెప్పుదు సుకవీ!!
      గుండె గొంతులో కొట్లాడుతున్నదే!!!

      తొలగించండి


    8. ఏమని చెప్పుదు సుకవీ !
      మా మాటను తిరగవేసి మామి యిటన్ కం
      దామృతముగ మార్చెనుగా !
      ఏమో మా పదముల గతి యే కందంబో !

      చీర్స్
      జిలేబి

      తొలగించండి


    9. అట్లా కష్టే ఫలముల్
      యెట్లాంటి పరిస్థితులనయిన యెదురుకొనన్
      తట్లాటల సరిజేయన్
      కొట్లాడెన్ గొంతులోన గుండెగ సుమ్మీ !

      జిలేబి

      తొలగించండి

  2. జనబాహుళ్యపు నాల్కన
    మనుజుడ పుట్టెను పలుకులు, మహిత హితంబై
    మనుగడ కొరకై భాషయు
    కనుక గొలుసున చెఱబట్టకయ కవి దానిన్ !


    జిలేబి

    రిప్లయితొలగించండి
    రిప్లయిలు
    1. తవరు చదువు చున్న తాదృశ తులసి వ
      నమ్ము తెలుగు విభవ నందనమ్ము
      నాదు మొఱ వినంగ నప్పని చెవులవి
      కవి వృషభులు మీకు చవులు గావు .

      తొలగించండి


    2. తెలుగే తెలియని వారమ
      య! లబ్జుగన్నిప్పుడే నయా నేర్చుట ఓ
      పలుకుల రాజా ! వృషభువు
      ల లుకలుక మరియు జిలేబు లన్ గన గలమే ?

      జిలేబి

      తొలగించండి
  3. మీరు ఎలా రాసినా బ్రహ్మాండం...
    ఆకట్టుకోవాలన్న ఆత్రుత ఆలోచనలు మాలాంటి వారికి మీకు కాదండీ.

    రిప్లయితొలగించండి
    రిప్లయిలు
    1. పద్మార్పిత గారి ప్రశంశ అంటే
      కవితామతల్లి ప్రశంశే నండీ ,
      ధన్యవాదాలు .

      తొలగించండి


    2. కవితామ తల్లి వీవే !
      మవురీ ! పద్మార్పితా! సుమధురిమ లొలుకన్
      నవనవ భావన లెల్లన్
      కవనం బయ్యెను జిలేబి కమలంబువలెన్ !

      తొలగించండి


  4. మీరెట్లా రాసిననూ
    ఓరయ్య భళి భళి సూవె ఓరాజన్నా !
    ఆరాటమ్ముల్ మాక
    య్యా రాసిన రాతలెల్ల యాకాణమ్మే ?:)

    జిలేబి

    రిప్లయితొలగించండి
  5. రాజారావుగారు మీరు వ్రాసినట్లు అందరికీ సాధ్యం కాదు కానీ ప్రయత్నం చేయడంలో తప్పులేదు సుమా!

    రిప్లయితొలగించండి
    రిప్లయిలు
    1. ఆ ప్రయత్నమే ఇప్పుడు కావలసింది తులసి గారూ ,
      కానీ , పద్యాన్ని పదిమందికీ పంచడం పండితులకిష్టంలేదు .
      తమది సాంప్రదాయ కవిత్వం . సామాన్యులు ముట్టుకో కూడ
      దంటున్నారు .

      తొలగించండి