సుజన సృజన

సుజన సృజన
ఓం నమో సాయి నాధాయ

22, డిసెంబర్ 2018, శనివారం

వృక్షో రక్షతి ....




వృక్షో రక్షతి ......
--------------
బ్రతు టెన్నాళ్లొ తెలియదు , బ్రతుకు వంద
లాది యేళ్లు వృక్షాలు , ఫలాల నీడ
ల నొసగుచు , నాటిన సుజనుల బ్రతికించి ,
మేలు చేసిన వారికి మేలు సేయు .

 అమ్మవార్ల గుడుల కటుప్రక్క నిటు ప్రక్క
రెండు నూర్ల మ్రొక్క లిరవు గాగ
నాటి పెంచినాను , నయనారవిందాలు
విచ్చు కొనును , చూచు సచ్చరితుల .

వేప కానుగ నేరేడు వెలగ జామ
నిమ్మ  మామిడి యరటి దానిమ్మ  మొదలు
గాగ వృక్షజాతులు , ననేక సుమ తరులు
నాదు జన్మ ధన్యత నొందె నని దలంతు .

2 కామెంట్‌లు:

  1. మీరు చేస్తున్న సేవాకార్యక్రమాలు సామాన్యమైనవి కావు మాస్టారూ 👌.
    రిటైర్మెంట్ జీవితాన్ని మీరు గడుపుతున్న విధానం శ్లాఘనీయం 👏.
    మీ ప్రాంతం ఎక్కువగా ఎఱ్ఱమట్టి నేలలా కనిపిస్తోంది. కరక్టేనా?

    రిప్లయితొలగించండి
  2. నరసింహరావు గారూ ,
    ధన్యవాదాలు .
    ధార్మిక , సామాజిక , దైవకార్యాలు
    చేయాలని మనసు ఆరాట పడుతోంది ,
    జీవితం ముగింపు దశలో కొచ్చింది కదా ,
    ముగిసే లోపు - దేహం సహకరించే వరకు ,
    సంతోషంగా గడపాలని .....
    అదంతా పోత మట్టి , నిజానికి అక్కడంతా
    నల్లమట్టి .

    రిప్లయితొలగించండి