అందాల రేలు

సంజె కెంజాయ పుడమిపై చాటు కొఱిగి
చిమ్మ చీకట్లు పరచి రంజిల్లు వేళ
మినుకు మినుకంచు చుక్కలు మినుకు వేళ
రాత్రి యందాల కనుకెంపు రగులు వేళ .....

లీల సుమగంధముల చిరుగాలి వీచి
చేరి ప్రేయసీ ప్రియు దేహ చిరు చెమటల
సోలులు దిగార్చి , కేళుల హాలి గూర్చు
హాయి,  రాత్రులుగాక  ,  ఈ యహములిడున ?

మంచి మనసున్న మారాజు మత్తు గొలుపు
వెన్నెలల సుధలు చినుకు  వేళ యిదియె
జవ్వనుల మనసు పరవశమయి ప్రేమ
విరిసి కౌగిళ్ళు గదియు నవ్వేళ యిదియె

స్వచ్చమైన తెలుపు వర్ణాల పూవులు
విరిసి పరిమళించు వేళ యిదియె
వాటి పరిమళాల వావిరి మత్తులో
తనిసి పుడమి యంత పెనయు టిపుడె

రమణి రాధికా ప్రేమవారాశి మునిగి
మాధవుడు యమునా నదీ మహిత సైక
త మహిని విహరించి యలరు సమయ మిదియె
ప్రేమ మయ మీ రజని , శుభవేళ  చాల .