నా దేశం ఘనత .....

 

అమెరికా యిచ్చింది ఆయుధాలను జగతి

కందుకుని చంపుకోమని మనుజుల ,

పాకీస్థ నిచ్చింది పలుయుగ్రవాదులన్

మనుజులన్ జంపు దుర్మార్గపథము ,

చైన యిచ్చింది వంచనతోడ ఘన వైర

సులను , చావాలని యిల మనుజులు ,

నాదేశ మొక్కటే ప్రోదిగా మందుల

నందించి ప్రాణదానమ్ము సేసె ,

హైందవపు సచ్చిదానంద సుందరతర

జీవనవిధాన శోభల పావనతలు

దాల్చి , నా  భారతము జగదభిహితమ్ము

గోరి , యెల్లవేళల సమకూర్చు శుభము .