కిట్టయ్యా ! నిన్ళొదిలే
దెట్టయ్యా ! నీవులేక , తిండీ నిద్రా
పట్టేనా ? వెళ్ళొద్దే
తట్టూ , ఆతట్టు బిల్చె తానెవ్వత్తో .
ఎదయిల్లు వీడి బయటికి
వదులుదునా యేమి ? కృష్ణపరమాత్మను , నా
మదిలోని భక్తిపాశము
కదలంగానీదు , కట్టు , గట్టిగ స్వామిన్ .
హరిభక్తి పరాకాష్టకు
పరవశమే యవధి , కృష్ణపరమాత్మ , మనో
సరసీరుహమందు , సతత
వరదుండగుగాత ! మనకు , ప్రస్తుతి జేతున్ .
🙏
కామెంట్లు లేవు:
కామెంట్ను పోస్ట్ చేయండి