సుజన సృజన

సుజన సృజన
ఓం నమో సాయి నాధాయ

5, సెప్టెంబర్ 2016, సోమవారం

కొలిచిన వారికి కొండంత వేలుపై .....

కొలిచిన వారికి కొండంత వేలుపై
సద్బుధ్ధి నిచ్చు ప్రసన్న మూర్తి
పిలిచిన దిగివచ్చి విఘ్నాలు తొలగించి
కార్యసిధ్ధి నొసగు కామ్య మూర్తి
ఆకులలుములు దెచ్చి యర్చించినా మెచ్చి
ఘన కటాక్షములిచ్చు కరుణ మూర్తి
కుడుములే నైవేద్య మిడినను తృప్తుడై
మనసార దీవించు మహిత మూర్తి

మూడు గుంజీలు దీసినా మోదమంది
నెమ్మి కోరిన వరములు గ్రుమ్మరించు
భక్త సులభుండు  సకల సంపద ప్రదాత
శ్రీ గణేశుని  తొలిపూజ చేసి కొలుతు .

2 వ్యాఖ్యలు:



  1. పర్వ దిన భాద్రపద శుక్లపక్షమందు
    చవితి చంద్రుఁడు శుభముల సర్వ మొసఁగు
    బొజ్జ గణపతయ్య కలసి బుద్ధి నొసగి
    మనల చల్లగ చూడ నమనము లివియె !

    జిలేబి

    ప్రత్యుత్తరంతొలగించు