నడుము వంచలేక నయగారములువోవ
పాదపూజ సేయు భార్య ఘనమ ?
స్టూలు నెక్కి పదము లాలి కందించుచు
పాదపూజ లందు భర్త ఘనమ ?
నడుము వంచలేక నయగారములువోవ
పాదపూజ సేయు భార్య ఘనమ ?
స్టూలు నెక్కి పదము లాలి కందించుచు
పాదపూజ లందు భర్త ఘనమ ?
మేమంతా ఉన్నతులం
భూమినిగల తక్కినోళ్ళు పోలరు మాతో
ఈ మాది రహంకారులు
ధీమంతులుకారు , తీరు తీరుల నీచుల్ .
రాయంచ అందచందము
గాయని కోకిలకు లేదుగానీ, గళమం
దాయమ తీయందనములు
రాయంచకు రావు తాను రాయిడివడినన్ .
కోకిల గళ మాధుర్యము
కాకికి లే , దైన కాకి ఘనమాతృత్వం
కోకిలకు రాదు , ఘనతల్
లోకంబున వివిధగతులు , లోకువ లేలా ?
రమణీయ మోహన రాజీవలోచనల్
శ్రీకృష్ణ వ్రతమాచరించ జనిరి
ముద్దుగుమ్మలు కాస్త ప్రొద్దుండగా లేచి
రందర బిలుచుక మందగమన
ఘన తనూభారాలస నడల బెడగున
యమునకు జనిరి సోయగము మెరయ
డెందాల నిండార అందాల పరమాత్మ
నిలిపి గ్రుంకులిడిరి నెలతులెల్ల
పరమ పురుష ! కృష్ణ ! తిరుమంగళాకార !
జన్మ జన్మ లందు జలజనేత్ర !
వలపులు గురిపించు చెలిమికాడవు గాగ
వరము నిమ్మ టంచు ప్రణతు లిడిరి .
ఈలావణ్య తనూవిభావరులనెందే గంటిమా? రంగు- రూ
పీ లాగెట్లు మిళిందమై యొనరె ! తన్వీ ! రా యిటన్, మోహనా
లేలా?నీ వరచాటు చేసెద , వహో! ఈ తాటి చెట్టెట్టి పు
ణ్యాలన్ జేసెనొ నీదు పొందు గనె , కన్యాలింగనా జేతయై .