సుజన సృజన

సుజన సృజన
ఓం నమో సాయి నాధాయ

2, జనవరి 2021, శనివారం

తీగకు తగుల్కొన్న సూరీడు

 


సాయంసంధ్యాసమయము ,

హాయిగ మా ఊరిలోని అభవునిగుడిలో ,

తీయగ ఫోటో , ఇదిగో !

తోయజమిత్రుండు తీగతో ముడివడియెన్ .

31, డిసెంబర్ 2020, గురువారం

ఆంగ్లసంవత్సరాది ' 2021 ' శుభాకాంక్షలు

 


ఆంగ్లసంవత్సరాది ' 2021 ' శుభాకాంక్షలు

-----------------------------------------------------

కవి వ్యాఘ్ర మొక్కండు ఘాండ్రించి కవితలన్

పాఠకుల్ గగురొంద పట్టి బిలిచె

కవివృషభ మొక రంకె గావించి పద్యాన

చదువరుల్ బెదరంగ జరిచి బిలిచె

కవిగండభేరుండ ఘనుడొకండు ఝటిల

కుటిల సమస్యిచ్చి కోరిబిలిచె

కవి కాలభైరవ ఘనుడొక్క కీర్తనన్

యందరన్ దిట్టి నిన్నార్తి బిలిచె


ఇలను నంతట నిన్నె లెక్కించు చుందు ,

రైన నొక కవిగబ్బిలం బటకకెక్కి

నిన్ను బిల్వంగ దూరు,  పొద్దున్నె జెప్పు

'విష్ యు హ్యాపి న్యూఇయర్ ' - వింత జూడు .


ఇరవై అంతా వైరస్

వెరవున గడగడ వణికి , భువి వెతల బడియెన్

సురనదివై నీవైనను

ఇరవయ్యొకటీ ! మము పరికించుము తల్లీ !