ఆంగ్లసంవత్సరాది ' 2021 ' శుభాకాంక్షలు
-----------------------------------------------------
కవి వ్యాఘ్ర మొక్కండు ఘాండ్రించి కవితలన్
పాఠకుల్ గగురొంద పట్టి బిలిచె
కవివృషభ మొక రంకె గావించి పద్యాన
చదువరుల్ బెదరంగ జరిచి బిలిచె
కవిగండభేరుండ ఘనుడొకండు ఝటిల
కుటిల సమస్యిచ్చి కోరిబిలిచె
కవి కాలభైరవ ఘనుడొక్క కీర్తనన్
యందరన్ దిట్టి నిన్నార్తి బిలిచె
ఇలను నంతట నిన్నె లెక్కించు చుందు ,
రైన నొక కవిగబ్బిలం బటకకెక్కి
నిన్ను బిల్వంగ దూరు, పొద్దున్నె జెప్పు
'విష్ యు హ్యాపి న్యూఇయర్ ' - వింత జూడు .
ఇరవై అంతా వైరస్
వెరవున గడగడ వణికి , భువి వెతల బడియెన్
సురనదివై నీవైనను
ఇరవయ్యొకటీ ! మము పరికించుము తల్లీ !
గడచిన వత్సర మంతయు
రిప్లయితొలగించండికడగండ్లను బడిరి జనులు ఘన కోవిడుతో ,
చిడి ముడి పాట్లిక ముందున
విడిపోవును, భగవదిఛ్ఛ వేడుక సేయన్ .
ఇరవయ్యొకటో వత్సర
మిరవొందగ జగతి, శుభ సమేత సకల సం
బరముల దేలెడు గావుత !
బరహిత మొనరించుచున్ విభావరి వోలెన్ .
హస్త సాముద్రికం బందించి భవితను
రిప్లయితొలగించండినేడె కళ్ళకు గట్టు నేర్పరొకడు
జ్యోతిష్యము మనుష్యజాతికి తగిలించి
గతుల నాపాదించు ఘను డొకండు
పేరును సంఖ్యగా పేర్చి యిట్టటు మార్చి
నెంబరు గేమాడు నేర్పరొకడు
తాయెత్తు గట్టి మంత్రాలు మాయ లొనర్చ
నేమమ్ము గల మహనీయు డొకడు
అంద రున్నత కులజులే , అందులోను
శాస్త్ర పాండితీ ధిషణులే , చదువు నింత
ఘనముగా వాడుచున్నారు కడుపు కొఱకు
వారి ఘనతకు శతకోటి ప్రణతు లిడుదు .