పరమాత్మ ' కృష్ణుడే ' సరి జగద్గురుం
డిల భగవద్గీత వెలయ జెప్పె ,
వేద పురాణాలు వెలయించి గురుడయ్యె
' వ్యాసుండు ' భువిని సేవలు గడించి ,
శ్రధ్ధా సబూరి యాచరణగా బోధించి
' సాయి ' సద్గురుడయ్యె సకల జగతి ,
తగ నుపాధ్యాయులై తనరు ' యొజ్జలు ' గూడ
గురువులు జగతికి గురుతుగాను ,
నేడు గురుపౌర్ణమి , వ్యాసమునీశ్వరుని జ
యంతి , పరమేశ్వరాకారు లైన మేటి
గురువు లందరి భజియింతు , తరిమి చీక
టులను , వెలుగులు తెచ్చిరి యిలకు గనుక .
రాముండుండెను - ఊ , తదీయ సతి పేరా సీత - ఊ , తండ్రి యా
ఙ్ఞామూర్ధన్యుడు వోయి తా మడవులన్ దాటంగ- ఊ , రావణుం
డామెన్ మోసముతో హరించెను - ఉ , నిద్రార్థ మాతల్లి శ్రీ
రామున్ గాధను విన్చ నూయనుచు , నిద్రన్ , లక్ష్మణా విల్లు వి
ల్లీమంచున్ పలవించు కృష్ణుడు సదా యిచ్చున్ మహార్థంబులన్ .
*****
రామో నామ బభూవ, హుం, తదబలా సీతేతి, హుం,తౌ పితుః
వాచా పంచవటీ తటే విహరతః తామాహర ద్రావణ:l
నిద్రార్ధం జననీ కధామితి హరే:హుంకారతః శ్రుణ్వతః
"సౌమిత్రే!క్వధను ర్ధను ర్ధను" రితి వ్యగ్రాః గిరః పాతు నః ll
ఇది 'రామకర్ణామృతం'లో ప్రస్తావించబడిన శ్లోకం.
అకలంక సాయినాధుని
సకలానిమిషస్వరూపు సద్గురుని సదా
ప్రకటిత భక్తి ప్రపత్తుల
ముకులితకరకమల 🙏 స్తోత్రములసేవింతున్ .
రుద్దేది గుండు మీదా ,
అద్దుచు కాల్చేది చూడు డైరన్ మీదా ,
అద్దిర ఇల్లాల్లంటే ,
బుధ్ధులు మరి కొత్త కొత్త పోకడలు గదా !