అరమోడ్పు కనుల , రుక్మిణి
వరుని గనును , అంతలోనె వరదుడు కనగా ,
మరుని పువుబంతి దవిలిన
పరువపు మొగ్గయె , మనోఙ్ఞ పద చిత్ర మహా !
దక్కెను రుక్మిణి యని హరి ,
చిక్కె మనోహరు డని యా చికురాననయున్ ,
ఒక్కెడ బిగి కౌగిళులన్
జిక్కిరి , విడదీయ బ్రహ్మచేతగున తగన్ ?
అరమోడ్పు కనుల , రుక్మిణి
వరుని గనును , అంతలోనె వరదుడు కనగా ,
మరుని పువుబంతి దవిలిన
పరువపు మొగ్గయె , మనోఙ్ఞ పద చిత్ర మహా !
దక్కెను రుక్మిణి యని హరి ,
చిక్కె మనోహరు డని యా చికురాననయున్ ,
ఒక్కెడ బిగి కౌగిళులన్
జిక్కిరి , విడదీయ బ్రహ్మచేతగున తగన్ ?
ఇదికదా , కృష్ణయ్య మదికి నచ్చిన సేవ
పాదాంబుజములపై యొరగుట ,
ఇదికదా , కృష్ణయ్య మదికి నచ్చిన సేవ
దరిసి కరముల మ్రొక్కి ప్రదక్షిణ మిడ ,
ఇదికదా , కృష్ణయ్య మదికి నచ్చిన సేవ
నతులతో ముంచి సంస్తుతులు సేయ ,
ఇదికదా , కృష్ణయ్య మదికి నచ్చిన సేవ
అకలంక భక్తి డోలికల నూచ ,
అన్నిటికి మించి , ప్రియమార , గిన్నె లోన
వెన్న నైవేద్య మిడి , తినిపించు సేవ
యన్న , కృష్ణయ్య కిష్టము , కన్ను గవకు
భాష్పములు గ్రమ్ము , కృష్ణయ్య పటము గాంచ .
బధ్ధకముగ లేచి , పడకపై కసిరిన ,
సతికి నెస్ కాఫి చేసాచి యొసగి ,
బూష్టిచ్చి పిల్లల , కష్టకష్టాల్ వడి ,
స్నానాదికముల వేసట ముగించి ,
వంట జేసి , పొసగ వడ్డించి బాక్సులన్ ,
పిల్లలన్ స్కూళ్ళకు వెళ్ళ దిగిచి ,
సతికి దోసెలు వేసి , శాపనార్థాల్ దిని ,
మధ్యాహ్న బాక్సు ప్రేమారనొసగి ,
చచ్చి చెడుచు , ఆఫీసుకు వచ్చిపడగ ,
అచటనూ తిట్లతో చంపు ఆడబాసు
వద్దురా మోడరన్ మగవాళ్ళ వెతలు
మహిళ 'మహరాణి' నేటి రామాయణమున .
( మహిళా దినోత్సవ శుభాకాంక్షలు )