తన్నిన నీవూ డుబుంగు .....

ఉన్నది బేలెన్సుపయిన ,

తన్నిన నీవూ డుబుంగు , తగువువడక, నీ

మన్నన మర్యాద దెలిపి ,

పన్నుగ నిరువురును బయటపడగా వలెరా !

చెయ్యకూడని పనులు .....

అయోధ్యలో భూమిపూజ ఆగష్ట్ 5న.....

Add caption

ఏ మహాత్ముడు జనియించి భరతభూమి

పావనమయ్యె సౌభాగ్యయగుచు

ఏ మహాత్మునిపాద మీమహీతలమున

తాకగా పుణ్యాల తతులు విరిసె

ఏ మహాత్ముని నామ మిరవొంద రామా య

నుచు నిట మార్మ్రోగి నుతులు గొనియె

ఏ మహాత్ముని చేత ఏలబడి సుభిక్ష

మై యిచ్చటి జనులు హాయి వడిరి

అట్టి లోకైక ప్రభు డయోధ్యాధిపతికి

రామజన్మభూమి యయోధ్యలో మహిత

రామమందిరనిర్మాణ భూమిపూజ

జరుగు శుభముహూర్తంబు లాసన్న మయ్యె .

సుదాముడూ , కృష్ణుడూ .....

రా రా సుదామ! రారా ,

రా రా చిననాటి వూసు లాడగ రారా ,

రారా సుగుణాల సరసి !

రారా కౌగిలికి చేర రా రా హితుడా !

మొక్క నాటు మొక్కటి హితుడా !

సేయగా నెన్నియోగలవు , ఆశించు నర్థు

లెందరోగలరు , మనీషు లెందరో వి

శేషఘనకార్యములు కడు సేయు చుండి

రి, బుధ! మొక్కనాటు , మిది తేలిక, పనిగద !

మొక్కనాటుమొకటి, నేల మోదమందు,

నీవు చచ్చినా, బ్రతికియుంటావు వంద

లేళ్ళు దానిలో , మందికి పళ్ళు నీడ

లిడెద , వింతకంటెను ఘనతేది? హితుడ !

గట్టి మేలొక్కటీ చేయగా గదలరు

గొప్పలను చాటుకుందురు గోడలెక్కి

ఒట్టిమాటల ఘనకార్య ముట్టి కెక్క ,

దదిగొ! మృత్యువు తరుముచుగదియుచుండె .