అరయ నిమిష నిమిష , మాయుష్షు తరిగేను ,
దేహ ముండు వరకె దేనినైన ,
చేసి , ఘనత పొందు , చిరకీర్తి సాధించ ,
బతుకు గలదు చావు పైన , కృష్ణ !
ఘనులము ధిషణగల కవిపండితుల మంచు
మనల మనము వొగిడి మనుట కాదు
అరసి జనుల కొఱకు అవసర మగుపనుల్
ఒక్క టైన జేసి యొనర వలయు .
అరయ నిమిష నిమిష , మాయుష్షు తరిగేను ,
దేహ ముండు వరకె దేనినైన ,
చేసి , ఘనత పొందు , చిరకీర్తి సాధించ ,
బతుకు గలదు చావు పైన , కృష్ణ !
ఘనులము ధిషణగల కవిపండితుల మంచు
మనల మనము వొగిడి మనుట కాదు
అరసి జనుల కొఱకు అవసర మగుపనుల్
ఒక్క టైన జేసి యొనర వలయు .
నిదుర లేవంగనే నిలువడి పరమాత్మ
యెదుట చేతులు జోడించు హితుడ !
భక్తిపాటల ననురక్తిగా చెవుల క
మంద సుఖానందమందజేయి ,
స్నానాదికాల ప్రస్తానములు ముగించి
దేవదేవుని గొలుము తీరినంత ,
పనికి వెళ్ళి పనిని భగవదత్తముగాగ
కష్టపడి యొనర్చు మిష్ట మొదవ ,
ఆలుబిడ్డలె తొలి ప్రాధాన్యతలుగ
ప్రేమలను పంచు మదియె శ్రీరామ రక్ష !
తల్లి దండ్రుల మరువకు , ధర్మ మరసి
సమ సమాజ హితము గోరి సాగు మిత్ర !
వందేళ్ళాయెను అమ్మకోవెలకు , సేవాదృక్పథంబుండుటన్,
ముందేపూని , గుడిన్ వినూత్నముగ , సొంపుల్గుల్క నిర్మించ నా
నందంబయ్యెడు , ఊరివారి తగు సాహాయ్యంబు లభ్యంబయెన్ ,
బంధం బివ్విధి తల్లితో తనర ప్రాప్తంబయ్యె నీ జన్మకున్ .