బ్లాగు పెద్దలు , మిత్రులు , బహు విదురులు
ఘన శుభాకాంక్ష లందుకోండి , నవ వత్స
రాన , ఆంగ్లమా ? తెలుగుదా ? లోన సంశ
యాలు మాని , నేడె వసుధ యంత మొదలు .
పండుగ , ' గ్రెగేరియన్ కే
లండరు ' జనవరి ఒకటి , ఇలా వచ్చేసెన్ ,
నిండు ప్రపంచములో ని
ట్లుండగ , మనకొక ' యుగాది ' యు , కలదు , ఐనన్
ఆంగ్ల సంవత్సరాదిగా అనుచునె , దిన
దినము దీనినే గణనకు తీసు కొనుచు ,
మనది వేరను భావన మనుగడ విడి ,
తప్ప దిందున కొనసాగ , దారి లేదు .
ఆయు రారోగ్య భాగ్యాలు , నభ్యుదయము
అష్టవిథ సంపదలు , విజయాలు కలుగు
గావుత ! పరమాత్మ దయను ఘనులు ! మీకు
క్రొత్త సంవత్సరాన మా కూర్మి నతులు 🙏 .