సుజన సృజన

సుజన సృజన
ఓం నమో సాయి నాధాయ

17, జులై 2021, శనివారం

నిన్ను దర్శించక .....

 


నిన్ను దర్శించక నీలమోహనరూప !

కన్నులున్నందున ఘనత యేమి ?

నిన్ను సేవించక నీరజాత నయన !

చేతులున్నందున శ్రేయ మేమి ?

నిన్ను భజించక నిగమ శుభగరూప !

నోరు గల్గుట వల్ల  సౌరదేమి ?

నిన్ను వినక మహనీయ ఘనచరిత !

చెవులు గల్గుట వల్ల  స్థితి యదేమి ?


మాధవా ! నిను విడి మరిమరి బతికినా

బతుకుకు పరమార్థ పరత యేమి ?

కృష్ణ ! నిన్ను జేర కెన్ని బొందినగాని

ఘనత యే మిహ పరముల కాంక్షదీర .