గురుపౌర్ణమి శుభాకాంక్షలు

పరమాత్మ ' కృష్ణుడే ' సరి జగద్గురుం

డిల భగవద్గీత వెలయ జెప్పె ,

వేద పురాణాలు వెలయించి గురుడయ్యె

' వ్యాసుండు ' భువిని సేవలు గడించి ,

శ్రధ్ధా సబూరి యాచరణగా బోధించి

' సాయి ' సద్గురుడయ్యె సకల జగతి ,

తగ నుపాధ్యాయులై తనరు ' యొజ్జలు ' గూడ

గురువులు జగతికి గురుతుగాను ,

నేడు గురుపౌర్ణమి , వ్యాసమునీశ్వరుని జ

యంతి , పరమేశ్వరాకారు లైన మేటి

గురువు లందరి భజియింతు , తరిమి చీక

టులను , వెలుగులు తెచ్చిరి యిలకు గనుక .