కోరి శిష్యు డయ్యె నారాయణ స్వామి
నీదు తోడు దిరిగి నీడ యగుచు
ఘనత దాల్చె నీవు కరుణించ , వెంకయ్య
స్వామి ! శరణు నీదు చరణములకు . -- 31
చనవు మీర నిన్ను చలమయ్య నాయుడు
కొలిచి నిలిచినాడు కూడి మాడి
అతడిదే యదృష్ట మన నొప్పు , వెంకయ్య
స్వామి ! శరణు నీదు చరణములకు . -- 32
దయకు పాత్రు డయ్యె జయరామ రాజు తా
వచ్చి నీదు తోడ వాస మందు
వరము బొంది నాడు , వరదుడా ! వెంకయ్య
స్వామి ! శరణు నీదు చరణములకు . -- 33
రోజు కూలి యర్థ రూపాయి కొరగాని
కఱ్ఱి దేవుడయ్య ఘనత గాంచె
నీ కటాక్ష సిధ్ధి యే కదా ! వెంకయ్య
స్వామి ! శరణు నీదు చరణములకు . -- 34
పిలుపు వచ్చి రాగ వెంటనే పెద్దయ్య
చేరి నీతొ దిరుగు చేరువయ్యె
నింత పుణ్య ఫలము సొంతమై , వెంకయ్య
స్వామి ! శరణు నీదు చరణములకు . -- 35
వెలయ చివర దాక తులశమ్మ నిను గొల్చి
పుణ్య ఫలము బొందె , ఫూజనీయ
సుకృత ఫలిత మిదియె , సులభుడా ! వెంకయ్య
స్వామి ! శరణు నీదు చరణములకు . -- 36
నీకు సహచరించి నిన్గొల్చి తిరిగిరి
యెంద రెందరొ జను లంద రెంత
పూర్వ జన్మ లందు పుణ్యులో ! వెంకయ్య
స్వామి ! శరణు నీదు చరణములకు . -- 37
తండ్రి పెంచలయ్య తల్లియై పిచ్చమ్మ
కన్న కడుపు లెన్ని పున్నెములకు
ప్రోవులైరొ కొలువ బోలునా ? వెంకయ్య
స్వామి ! శరణు నీదు చరణములకు . -- 38
నతులు నిన్ను గన్న నాగులేటూరుకు
ధన్య యయ్యె తాను ధరణి తల్లి
తల్లి పేరు నిలిచె స్థాయిగా , వెంకయ్య
స్వామి ! శరణు నీదు చరణములకు . -- 39
నీవు పాద మిడిన నేలలు , నీళ్లును
కొండ లడవు లున్ను కోన లున్ను
పావన మయి యొప్పు , భగవాను వెంకయ్య
స్వామి ! శరణు నీదు చరణములకు . -- 40
రిప్లయితొలగించండివలయునా స్వామి తిరుపతి వలెను గొలగ
మూరు ! కొండదేవర తాను మూగ బోవ
కోరికల దీర్చుగొనుచుండె కొంకిగాను
బేర సారము లాడెడు బింకు బంట్లు !
జిలేబి
మలగ మొగమంత నిండు నామాలు బెట్టి
రిప్లయితొలగించండిచూడనీయరు శ్రీనివాసుని తిరముగ ,
గొలగ మూడిలో స్వామి కీ కొదువ లేదు
తాట తీయును వేషాలు తనకు పడవు .