సుజన సృజన

సుజన సృజన
ఓం నమో సాయి నాధాయ

12, మార్చి 2017, ఆదివారం

మా కుల్లూరు - 1

మా కుల్లూరు
***********
మా కుల్లూరు పురాధి దేవత సదా మాక్షేమ ముల్గోరుచున్
రాకాచంద్ర మనోఙ్ఞ ధీధితులతో రాజిల్లు పోలేరు తా
పోకార్చున్ కడ గండ్లు రోగములు రేపున్ మాపు మా యూరికిన్
చేకూర్చున్ మహనీయ శోభనములన్ చెన్నొంద రక్షించుచున్ .

ఉత్తరాన పెన్న , ఊరికి పడమట
చెరువు , చెరువు వెనుక ధరణి ధరము ,
దక్షిణాన చేలు , దర్శింప దూరాన
పెనుశిలేశు డుండు పెన్నిధి వలె .

నాల్గు దిశల బలము నైసర్గి కమ్ముగా
కలిసి వచ్చి వాస్తు ఘనత దాల్చి
చదువులందు సిరులు సంపదలందున
చుట్టు పట్ల ప్రజల స్తుతులు బొందె .

సువిశాలమైన వీథులు
నవవిథ కులాలవాళ్ళు నవ్యత లొలుకన్
ప్రవిమల ప్రశాంత ప్రకృతిని
రవి కిరణము వోలె వెల్గు రాజస ఠీవిన్ .

3 వ్యాఖ్యలు:

  1. పెన్న ఒడ్డునున్న మీ కుల్లూరు పక్కనే తెలుగురాయపురం వుందట కదా - భలే భలే - తెలుగు మాస్టారూ!

    ప్రత్యుత్తరంతొలగించు
  2. అవును , మీకు తెలుసా ? నేనూ తెలిసినట్లేనా ?
    మా మామయ్య తెలుగురాయపురం స్కూలు HM గా
    ఉండేవారు . ధన్యవాదములు .

    ప్రత్యుత్తరంతొలగించు
    ప్రత్యుత్తరాలు
    1. మీరు నాకు తెలుసండి - బ్లాగుల్లో - మహ బాగా! కుల్లూరు ఎక్కడుందా అని గూగుల్నడిగితే పక్కనే చూపించిన తెలుగురాయపురం పేరు చూసి "అబ్బో - మా తెలుగు మాస్టారికి తగిన పొరుగు" అనుకున్నాను అంతే!

      తొలగించు