సుజన సృజన

సుజన సృజన
ఓం నమో సాయి నాధాయ

6, జులై 2017, గురువారం

ఊహింపంబడె .....

ఊహింపంబడె నల్లనయ్య నలుపొక్కొక్కర్కియొక్కోటిగా
సాహిత్యానలతప్తులై యొకరు తా సారించి నల్పే తనన్
తా హీనంబుగనెంచి శ్యామలుని యొద్దంజేరెనం , చొక్క రా
శ్రీ హర్షుండు విముక్త కీర్తి సితుడై శ్రీ దేహుడైనట్లుగాన్ .

మరియు నొకరు విశ్వంబు మాడ్కి విశ్వ
విభుడును నలుపనె , జలద విభవ మొంది
శ్యామలుండయ్యె ననె నొక్క రా మదన జ
నకుని  నైన సంశయము మానదు మనంబు .

వలచిన భామినీ మలయజ కలయ సం
బంధియై తనుచాయ కందె గాని
మరకత మణిమయ మధుపర్కములు గట్టి
డాలున తనుచాయ డస్సె గాని
తల్లి యశోదమ్మ తనర నగరు ధూప
మేసిట్లు తనుచాయ మిర్రె గాని
గొల్ల పిల్లల తోడి కోడిగంబున యాడి
కూడంగ తనుచాయ కుదిసె గాని

యెవరు చెప్పిరి నలుపని యేను నమ్మ
నా జగన్మోహనాకారు డా మనోహ
రుండు జగము పరవశించు రూపసి యగు
కృష్ణుని తనుచాయ శోభన కృత సితమ్ము .

3 వ్యాఖ్యలు:

  1. అది నలుపుగాదు నీలి మేఘ చాయగాని :)

    ప్రత్యుత్తరంతొలగించు
    ప్రత్యుత్తరాలు
    1. నల్లనివాడు పద్మనయనంబులవాడు కృపారసంబు పై
      జల్లెడువాడు .....

      తొలగించు
  2. వలచిన భామినీ మలయజ కలయ సం
    బంధియై తనుచాయ కందె గాని..భలేగా రాస్తారు. మీకు వందనం _/\_

    ప్రత్యుత్తరంతొలగించు