కుల్లూరి పోలేరు తల్లి మందిర సంక్రాంతిశోభ

 

ముంగురుల్ జారె .....

 

ముంగురుల్ జారె , జాజిపూల్ మూర దిగియె
మోముపై సిగ్గు దొంతర పోల్చి చూడ
ఇంతి యంగజు కేళికా హేల నుండి
లేచి వచ్చిన విశ్రాంతి లీల దెలియు .

కుల్లూరు పోలేరు తల్లి

 

మణికిరీట ప్రభామయ , మయూఖ రుచిర ,

దివ్యమంగళ రూపు తేజరిల్ల ,

వజ్రాలు పొదిగిన వడ్డాణము మెరయ ,

కాలి యందెలు ఘల్లు ఘల్లురనగ ,

పసుపు గంధపు పూతపై , కుంకుమంబద్ది

ఫాలభాగమ్ము శోభనము గూర్చ ,

లేచి , ననుజూచి , వచ్చి , పోలేరు తల్లి

బిడ్డడా ! రార , యని బిల్చు ప్రేమతోడ ,

బ్రమయొ , పిచ్చియొ గానిండు ,  ప్రతిదినంబు

అమ్మవాకిట జేరి ప్రణామ మిడగ .