సుజన సృజన

సుజన సృజన
ఓం నమో సాయి నాధాయ

27, ఆగస్టు 2012, సోమవారం

" విజయతే గోపాల చూడామణీ "







కస్తూరీ తిలకం లలాట ఫలకే వక్షస్థలే కౌస్తుభం
నాసాగ్రే నవమౌక్తికం కరతలే వేణుం కరే కంకణం
సర్వాంగే హరిచందనం చ కలయం కంఠేచ ముక్తావళీ
గోపస్త్రీ పరివేష్టితో విజయతే గోపాల చూడామణీ



శ్రీకృష్ణ కర్ణామృతం లోని పై సంస్కృత శ్లోకానికి నా తెలుగు పద్యం

 

శిరముపై కమనీయ శిఖి పింఛముల వాడు
చెవుల కుండల దీప్తి చెలువు వాడు
నుదుటిపై కస్తూరి మృదు తిలకముల వాడు
ఉరమున కౌస్తుభం బొలయు వాడు
నాసాగ్రమున గుల్కు నవ మౌక్తికము వాడు
కరమున వేణువు మెరయు వాడు
చర్చిత మైపూత హరి చందనము వాడు
గళమున ముత్యాల కాంతి వాడు
తరుణ గోపికా పరి వేష్ఠితముల వాడు
నంద గోపాల బాలు డానంద హేల
లీల బృందావనము రాస కేళి దేల
వచ్చు చున్నాడు కన్నుల భాగ్య మనగ .
















9 వ్యాఖ్యలు:

  1. మీరు చాదస్తం అనుకోకుంటే, "తెలుగు"పద్యంలో సంస్కృతమే ఎక్కువగా కనబడుతోంది.

    ప్రత్యుత్తరంతొలగించు
  2. సార్ ,
    ఖచ్చిత మైన మీ మంచి వ్యాఖ్యను సంతోషంగా స్వీకరిస్తూ , ధన్యవాదాలు తెలుపుకుంటున్నాను .

    ప్రత్యుత్తరంతొలగించు
  3. సర్, నిజమే తెలుగులో చెప్పాలన్నా సాదారణ భాష అందము నీయదేమో అనే మీ సంశయం సంస్కృత భాషకు స్వీకారం చుట్టింది.
    పై పద్యం నకు దీటైన అనువాదం కదా.. అందుకే అంత అందం చేకూరినదేమో...మెరాజ్.

    ప్రత్యుత్తరంతొలగించు

  4. రాజారావు గారూ!
    మీరు వేరే బ్లాగ్ లో వ్రాసినది నేను కాపీ చేసి దాచుకున్నాను...
    సరళమైన పదాలతో అల్లిన శ్రీ కృష్ణ స్తుతి....
    చాలా బాగుంది...
    అభినందనలు మీకు...
    @శ్రీ

    ప్రత్యుత్తరంతొలగించు
  5. చాలా బాగుందండి ఈ తెలుగు పద్యం మాస్టారు గారు!

    ప్రత్యుత్తరంతొలగించు