ఆకాశం గగనం శూన్యం

ఆకాశం గగనం శూన్యం

అవనియే సర్వస్వం

ఐనా ,       

ఆ ‘ సున్నాగాడు'

అంతా తన గొప్పేనంటాడు  

మగాడు గనుక -

ఈ రత్నగర్భ సర్వస్వ

తానాడుది గనుక ఉపేక్షిస్తుంది -

కానీ ,

ఆ మొద్దబ్బాయికి

ఊపిరులూదిందీ ,

హృదయ స్పందన నేర్పిందీ ,

మూర్తిమత్వాన్ని సమకూర్చిందీ ,

చైతన్య పరచిందీ ,

ప్రేమించడం నేర్పిందీ ,

పరిపూర్ణతను ప్రసాదించిందీ ,

ముక్తి మార్గాన్ని చూపించిందీ ,

తుదకు -

మోక్షమిచ్చేదీ

ఈ అపురూప అనుగాగ దేవతే మరి !

ఓ  నీలిగే నింగి కోణంగీ !

అసలు సంగతిదీ -

అన్నీ సమకూర్చేక

అందలం ఎక్కడం అందగించదు

ఆకాశ తలం పైకెక్కిన ఆ కళ్ళను

కాస్త అవనికి దించు

అంతా అర్థమౌతుంది

ఈ నేల బాల తన సత్తా చూపిందంటే

నీ కస్తిత్వమే ఉండదు మరి !