తల్లి దండ్రి మనోల్లాస తన్మయత్వ
తాత్వికత నుండి జన్మించి ధరణి బడిన
“ మనిషి “ తన ప్రమేయమె లేక , జనన మాది
తెచ్చుకొన్న లక్షణముల దిరుగు చుండు
తర తరాల నాటివి , తల్లి-దండ్రి ద్వార
రూపు , లలవాట్లు , బుధ్ధులు , రోగములును
సర్వము క్రమాను గతముగా సంక్రమించి
మనుట “ విధిరాత , ప్రారబ్ధ “ మనిరి , యైన -
పెండ్లియై నీవు నీభార్య ప్రేమ మీర
బిడ్డలను గని “ ఇవి “ సంక్రమింప జేయ
న్యాయమా ? సర్వ శుభ లక్షణాన్వితులుగ
పుట్టి జీవింప జేయగా బోలు గాని
తర తరాల నుండి తరలి , దరికి జేరి
మిమ్ము బాధించు “ అట్టి దైన్యమ్ము ” మార్చి ,
మిమ్ములను మీరు తీర్చి , మీ బిడ్డ బ్రతుకు
దిద్దుకొనుట మీ చేతిలోదే , తలంప
మంచి యలవాట్లు , దైహిక – మానసికపు
సంతసము గూర్చు నారోగ్య సత్యములను ,
కోరికల మీద సంతృప్తి కూడి , కనిన
సంతు , శుభ లక్షణోపేత జనిత మగును
“ రూపు , లలవాట్లు , బుధ్దులు
, రోగములును
సర్వమును సంతతిని కూడి సంక్రమించు “
ననెడు సత్యాన్ని మరువని జనుల జాతి
దిన దినాభివృధ్ధి గను ,
సందియము లేదు
అంత దాకా, 'స్వేచ్చా విహంగా
రిప్లయితొలగించండిఉన్న 'ఆత్మా రాముడు'
మనిషియై పుట్టాడు
బందీ ఐపోయాడు ప్చ్ !
జిలేబి.
ధన్యవాదములు జిలేబి గారూ ,
తొలగించండిసుజన-సృజన మీకు స్వాగతం పలుకుతోంది .