సుజన సృజన

సుజన సృజన
ఓం నమో సాయి నాధాయ

22, జనవరి 2018, సోమవారం

నేడు వసంతపంచమి - అమ్మకు వందనం


నిలువెల్ల తెల్లని వలువలో వెలుగొందు
వాగ్దేవి ! శారదా ! వందనములు ,
తెల్లదామర పైన తేజరిల్లెడు తల్లి !
బ్రాహ్మీ ! సనాతనీ ! వందనములు ,
బ్రహ్మ విష్ణు శివులు ప్రస్తుతించెడి తల్లి !
పరదేవతా ! నీకు వందనములు ,
పద్మ పుస్తక శుక స్ఫటిక మాలల వెల్గు
పరబ్రహ్మ రూపిణీ ! వందనములు ,

జన్మ జర జాడ్యములు వోవ జగతి గాచు
వర సరస్వతీ మాతరో ! వందనములు ,
ప్రాణులందున బుధ్ధి రూపాన నిలిచి
వరలు మూలపుటమ్మరో ! వందనములు .

4 కామెంట్‌లు:

  1. వందనీయ విద్యాదేవికి వంద వందనాలు!

    రిప్లయితొలగించండి
    రిప్లయిలు
    1. పాల నీళ్ళ వేరు పరుపంగ నేర్చిన
      హంస నెక్కి తిరుగు నజుని రాణి
      మంచి చెడుల నెంచు మహనీయ బుధ్ధిచ్చి
      మనల గాచు గాత ! మంజు వాణి .

      ధన్యవాదములు .

      తొలగించండి
  2. nice content and good article
    https://youtu.be/2uZRoa1eziA
    plz watch our channel

    రిప్లయితొలగించండి