మురళి చేకొని రాధ మోవికి తాకించె
వీణ వాయించె ప్రవీణ యొకతె
పృదు మృదంగము విన్చె మదవతి యొక్కతె
పటుతర వాద్యాన పాడె నొకతె
కస్తూరికా చర్చ గావించె నొక్కతె
గంధ లేపనము నలందె నొకతె
పూర్ణకుంభము బట్టె పూబోడి యొక్కతె
హారతిచ్చె నొక్క నీరజ ముఖి
దండ కైసేసె గళసీమ తరుణి యొకతె
భువళమోహను కృష్ణుని పొంత మూగి
తమ యదృష్టపు భాగ్యము దలచి తలచి
తరుణ గోపికల్ హరికి బృందావనమున
కామెంట్లు లేవు:
కామెంట్ను పోస్ట్ చేయండి