చూడరా మేధావి ! గోడగట్టినయట్టు
లనృతము సెప్పుటే ఆర్జనగున ?
చూడరా నేతా ! వచో జాల మొక్కటే
బతుకుబాటా భువి బతుక , చెడుగ !
చూడరా వ్యాపారి ! వీడని మోసమే
జీవనమార్గ సంజీవి యేమి ?
చూడరా సాధు ! ఈడాబు బురిడివేష
మవసరమా యింత యశనమునకు ?
కష్టపడకుండ తేరగా కాదు తినుట ,
కష్టపడుటన్న యేమిటో కాస్తచూడు ,
బిడ్డ నొడిగట్టి యిటుకల పేర్పు మోసి
బువ్వ కొఱకు శ్రమించెడు పుణ్యవతిని .
కామెంట్లు లేవు:
కామెంట్ను పోస్ట్ చేయండి