సీతారాముల కళ్యాణ వైభోగం

 

కళ్యాణ రామయ్య కమనీయ మూర్తికి
పెండ్లికూతురు సీత విమల సతికి
భద్రాద్రి మందిర భవ్య మండప మందు
పరగ కళ్యాణ వైభవము జరిగె
కంచర్ల గోపన్న యెంచి సేయించిన
మాంగళ్య ధారణ మతిశయించె
రాష్ట్ర ప్రభుత్వము రమణమై తెచ్చిన
ముత్యాల తలబ్రాలు మురువు గాంచె

కన్నులారంగ గాంచి , మాకన్న ఘనులు
లేరు లేరనిరి తెలుగు వారు , నిజమె ,
సీతదీ రాముడిది తెల్గు సీమ యటులె
పెండ్లియును తెల్గు వారల పెండ్లి విథమె .