ఎందుకోయీ హితుడ ! యేడుస్తావూ

 

గీత రచయిత : వెంకట రాజారావు లక్కాకుల

ఎందుకోయీ హితుడ యేడుస్తావు

---------------------------------------

ఎందుకోయీ హితుడ యేడుస్తావు

ఇందు నీకే కష్టాలు గలవ

అందు నందూ గనుము బాధలు

లేని మనిషే గలడ భూమిని

పరమ పురుషులు గూడ బాధలు పడిన వారే

అరయ రాముడు తండ్రిమాటకు నిలిచి యెన్నో

ఇడుములను బడె కానలందున తుదకు నయ్యో

తన ప్రియ సతిని గోలుపోయె మరి మన మెంతా

ఎందుకోయీ హితుడ యేడుస్తావు

ఇందు నీకే కష్టాలు గలవ

అందు నందూ గనుము బాధలు

లేని మనిషే గలడ భూమిని

విష్ణువే శ్రీకృష్ణుడుగ నిట బుట్టె మరి యా

కృష్ణుడూ బాధలను పడిన వాడె గదరా

మేనమామే పసివయసున చంప బనిచే

ధర్మసంస్థాపనము బూని యే మనుభవించే

ఎందుకోయీ హితుడ యేడుస్తావు

ఇందు నీకే కష్టాలు గలవ

అందు నందూ గనుము బాధలు

లేని మనిషే గలడ భూమిని

సత్య వ్రతుడై హరిశ్చంద్రుడు

నిత్యమును బాధలం దుండెనే

సాయి తినె నేది భిక్షాన్నమే

సుఖము కన గలమ ఆతండ్రిలో

ఎందుకోయీ హితుడ యేడుస్తావు

ఇందు నీకే కష్టాలు గలవ

అందు నందూ గనుము బాధలు

లేని మనిషే గలడ భూమిని