శ్రధ్ధా , సబూరిలు చక్కగా పాటించ
హితబోధ చేసిన హితు డతండు
రెండు రూపాయల దండి దక్షిణ గొని
కష్టాలు బాపిన ఇష్ట సఖుడు
రోగార్తులను తాకి రుజ బాధలను బాపి
తాననుభవించిన త్యాగ శీలి
సాయి
కాపాడ రారా యన్న తక్షణ
మాదుకొను కరుణామయు డతండు
సర్వ దేవతా సత్తాక సద్గురుండు
సాయి నాధుండు – శరణంచు శరణు వేడి
చరణములు తాకి తరియింత్రు జనులు – శరణు
శరణు గురు పౌర్ణమీ శుభంకర దినమున .
ప్రపంచానికి మార్గ దర్శనం చేసిన మహాను భావులందరూ
గురువులే .
ఈ గురు పరంపరలో వ్యాస భగవానుని పేర గురు పౌర్ణమి
జరుపుకోవడం
ఆనవాయితీ . ఈ గురు పౌర్ణమి పర్వ దినాన్ని తాను జీవించినంత
కాలమూ
శ్రీ శిరిడి సాయి బాబా వేడుకగా జరిపించేవారు . ఆయన
సమాధి చేరిన తదుపరి
శ్రీ సాయి నాధుని మందిరాలలో గురుపౌర్ణమి వేడుకల
సంబరాలు ఘనంగా
జరుపుకోవడం ఆనవాయితీగా వస్తున్నది .
ప్రతి యొక్కరు సాయి తనకు
హితుడని భావించు సాన్ని హిత్యము చూడన్
అతడు మన గుండె నిండా
సతతము కొలువుండు టెల్ల సత్యమె యందున్ .
ఓం శ్రీ సమర్ధ సద్గురు సాయినాధ్ మహారాజ్ కీ జై .
కామెంట్‌లు లేవు:
కామెంట్‌ను పోస్ట్ చేయండి