(జూన్ 5 నాజన్మదినం)
పుట్టిన రోజిది యని .....
------------------------
ఎందుకు జనించితినొ స్వామి ! యెవ్వియును ఘ
నతలు లేవు , కనీసము వెతలు లేని
బతుకు బతికితినా యన్న - వెతుక - నట్టి
బాట సుతరాము కనరాదు భాగ్య ధాత !
పుట్టినరో జిదియని యి
ప్పట్టున క్యాలండరు నను పదె పదె గాసిం
బెట్టుచు హసించె , స్వామీ !
పుట్టువునకు సార్థకత్వ పూర్ణత లేమిన్ .
ఒజ్జదన మొక కొంత మేలుజ్జగించి
కాస్త యూరట దొరికెను కమల నయన !
మండు టెండన బడి వచ్చు మనిషి కొకట
చల్ల దొరికిన వడువున జలజనాభ !
ఎంద రీ భూమి బుట్టి సాధించిరి , పురు
షార్థములు , సంశయమె , యైన , నంద రిటువ
లె వగతుర ? సందియమె స్వామి ! , చివరిమజిలి
యైన భయద రహితము శాయంగ రాద !
అంబు జోజ్జ్వల దివ్య పాదారవింద !
నీదు చింతనామృత చిత్త నీమ మొకటె
కడవ బెట్టంగ నావయై గానుపించు
జరను రుజలను దాటంగ , పరమ పురుష !
జన్మదిన శుభాకాంక్షలు, రాజారావు మాస్టారు.
రిప్లయితొలగించండిపుట్టిన రేజు నాడేల నిర్వేదం, మాస్టారూ? మంచి పనులు చేస్తూ శేషజీవితాన్ని గడుపుతున్న మీకీ నైరాశ్యం తగదు.
మరోసారి పుట్టినరోజు శుభాకాంక్షలు.
పెద్దలు శ్రీనరసింహరావుగారూ ,🙏.
రిప్లయితొలగించండిధన్యవాదములు .
రిప్లయితొలగించండినావయని నన్ను తలచి స్వ
భావపు రీతి నరులిలను పరుగుల మార్గం
బోవ గలదేమి కవివరు
డా విభుడను నేను చేయడానికి జగతిన్ !
శుభాకాంక్షలతో
జిలేబి
గుండు సున్న :)
మా జిలేబిసారు బుధులు ,మాన్యులు ,వ
రిప్లయితొలగించండిదాన్యులును ,గుండుసున్న విధాన మేల ?
మీదు మిక్కిలి హితులుజుమీ ! వయస్య !
తమ 'శుభాకాంక్ష' లందుకొంటిమి ముదమున.
జన్మదిన శుభాకాంక్షలు గురువు గారు. మీరు ఆయురారోగ్యాలతో సుఖసంతోషాలతో జీవించాలని మనసారా కోరుకుంటున్నాను _/\_ ...
రిప్లయితొలగించండిమిత్రులు బండి నాగమల్లీశ్వర రావుగారికి
రిప్లయితొలగించండిధన్యవాదములు .