రామా ! రఘువీర ! పరం
ధామా ! నీ డెంద మెంత దావానలమై
భూమిసుత కోస మేడ్చెనొ !
స్వామీ ! నిన్ జూడ , కండ్లు భాష్పము రాల్చెన్ .
విలపించు జగన్నాధుని
అలసట బాపంగ శాఖ లల్లనవీచెన్
అలరుల పరిమళ మద్దుచు
మలయపవన సేవజేసి మ్రాను తరించెన్ .
శ్రీరామ పరిష్వంగం
బారయ సీతమ్మకున్ను పవనసుతునికిన్
నేరుగ లభించె , చెట్టిది
కోరినదో లేదొగాని గొప్పగ దొరికెన్ .
మాధవుని పాదదర్శన
సాధన భాగ్యంబుగోరు సకలర్షులకున్
శోధనకందని కౌగిలి
శ్రీధవు డీ తరువు కొసగె శ్రీభాగ్యంబుల్ .
కామెంట్‌లు లేవు:
కామెంట్‌ను పోస్ట్ చేయండి