గీత రచయిత : వెంకట రాజారావు లక్కాకుల
ఆమె పేరు భరతమాత
ఆమే నా జనయిత్రి
అద్భుత భారత ధరిత్రి
ఆమె ఘనత హిమవన్నగ
ఉత్తుంగ గిరీశ శృంగ
ఆమె కీర్తి నిర్జర ఝరి
ధవళ ఫేన దీప్తికి సరి
ఆమె పేరు భరతమాత
ఆమే నా జనయిత్రి
అద్భుత భారత ధరిత్రి
ఆమె వాక్కు వేదోపనిష
దద్భుత సాహిత్య నికష
ఆమె యునికి ఉదధి త్రయ
సంవలయిత రత్న గర్భ
ఆమె పేరు భరతమాత
ఆమే నా జనయిత్రి
అద్భుత భారత ధరిత్రి
భరతావని జనియించిన
ప్రతి పౌరుని తనువంతా
ఆమె తలపు అణు వణువున
ఆనందపు పులకింత
ఆమె పేరు భరతమాత
ఆమే నా జనయిత్రి
అద్భుత భారత ధరిత్రి
కామెంట్లు లేవు:
కామెంట్ను పోస్ట్ చేయండి