ఆమె ఘనత హిమవన్నగ
ఉత్తుంగ గిరీశ శృంగ
ఆమె కీర్తి నిర్జర ఝరి
ధవళ ఫేన దీప్తికి సరి
ఆమె వాక్కు వేదోపనిష
దద్భుత సాహిత్య నికష
ఆమె యునికి ఉదధి త్రయ
సంవలయిత రత్న గర్భ
భరతావని జనియించిన
ప్రతి పౌరుని తనువంతా
ఆమె తలపు అణు వణువున
ఆనందపు పులకింత
ఆమే నా జనయిత్రి
అద్భుత భారత ధరిత్రి
భాగుందండీ. కానీ నిర్ఝరమన్నా ఝరమన్నా ఒకటే కదా? నిర్ఝర ఝరి ప్రయోగం లోని విశిష్టత ఏమిటో వివరిస్తారా?
రిప్లయితొలగించండిధన్యవాదములండీ గోపాల కృష్ణా రావు గారూ ,
రిప్లయితొలగించండినిర్ఝర అనేది టైపాటు . అది నిర్జర .
నిర్జర ఝరి అంటే గంగా నది .
ఇప్పుడు అర్థవంతంగా ఉంది.మీ రసగంగాఝరి ఇట్లా ప్రవహిస్తూనే ఉండాలని కోరుకుంటున్నాను.
రిప్లయితొలగించండిచాలా బాగుంది రాజారావు గారూ!
రిప్లయితొలగించండిభారత భూమికి మీ కవితా కానుక...@శ్రీ
ధన్యవాదములు శ్రీనివాస్ గారూ !
రిప్లయితొలగించండి