ఓగుదగిడీలు

 

' దేశభాషలయందు తెలుగు లెస్స' ని వల్కె,

రాయలు కర్ణాట రాజరాజు,

' సుందర తెలుగ ' ని చొక్కి వచించె, సు

బ్రహ్మణ్యభారతిరా , తమిళుడు ,

అరయ ' ఇటాలియన్ ఆఫ్ ద ఈష్ట్ ' అంచు, ని

కోలకోంటి ఒక ఇటాలి మెచ్చె,

' అద్భుత ' భాషని అరచి చెప్పెను, బ్రౌను

ఇంగ్లీషుదొర గణియించి ఘనత,

దేశ దేశాల పండితుల్ తెలుగు మెచ్చి

వొగిడినా , రిదిగొ ! నిచటి 'వోగు దగిడి

గాళ్ళు' తామె బుధులవోలె, గ్రామ్యమనుచు

తెలుగు నుడులను నిరసింత్రు తులువ లగుచు .