ఆండాళ్ - శ్రీరంగనాధుల
కళ్యాణ వైభోగమే భోగిపండుగ
---------------------------------------
తనపూలవనములో దొరి
కిన పాపకు, విష్ణుచిత్త కేశవదాసుం
డొనరగ ' కోదై ' నామం
బును, పూమాలయను, నర్థమున పేరిడియెన్ .
కోదై గోదాయయ్యెను
గోదా శ్రీరంగనాధు కూరిమి బొందెన్
శ్రీదామ మామె ముడువగ ,
మోదముతో తానుదాల్చె మురహరి ప్రీతిన్ .
గోదా కొప్పున ముడిచి , ప్ర
మోదముతో విడిచి పంపు, పూమాలలె , నా
మోదింతుననుచు, కలలో
శ్రీదాముడు వలుక , కూతురిన్ వేనోళ్ళన్
వొగుడుచు,' నాండాళ్ ఆండాళ్ '
తగ బిలిచెను, మురిసి తండ్రి , 'తల్లీ' యనుచున్,
జగ మంత, టామె నాండాళ్
యని బిలువగబట్టి గోద, ఆండాళ్ అయ్యెన్.
రోజూ వొకపాశురమున
రాజీవాక్షుని నెలంత రాగసుధలతో
పూజించ మెచ్చి యామెను
మోజున శ్రీరంగనాధమూర్తి వరించెన్
తుది , భోగి రోజు , రంగడు
ముదితను కళ్యాణమాడె ముచ్చటవడి, ఇ
వ్విధ వైభోగపు కళ్యా
ణ ధగధగకు ' భోగి ' యనగ నాదిన మొప్పెన్ .
కామెంట్‌లు లేవు:
కామెంట్‌ను పోస్ట్ చేయండి