యోగీంద్ర చంద్ర కృష్ణా !
రాగజలధి దేలు రసిక ! రాధిక కృష్ణా !
భోగీంద్రశయన కృష్ణా !
శ్రీ గానామృత విహరణ చిత్తా ! కృష్ణా !
త్రిభువన మోహన కృష్ణా !
అభవాది నిలింప సేవ నావన కృష్ణా !
శుభకర ! రుక్మిణి కృష్ణా !
అభయప్రద ! వాసుదేవ ! హరి ! శ్రీ కృష్ణా !
బృందావన మధుబనిలో
నందిత గోపాల ! కృష్ణ ! నారాయణ ! నీ
మందిర మీ హృన్మందిర ,
మిందుండుము , కృష్ణ ! నీదు మేలు భజింతున్ .
శ్రీ మధురాధిప ! కృష్ణా !
మా మనసులు గెలిచినట్టి మాధవ ! కృష్ణా !
హేమాంబర ధర ! కృష్ణా !
ప్రేమాగమ సృష్టికర్త ! ప్రియ ! శ్రీకృష్ణా !
కామెంట్‌లు లేవు:
కామెంట్‌ను పోస్ట్ చేయండి